JAINKO ATEOA

Oraintxe bertan konturatu naiz bideo hau ez dugula inoiz BagaBigan proiektatu. New Yorkeko Fat Cat tabernan geunden; Pau, Gorka, David, Nuria eta bere izena gogoratzen ez dudan beste neska bat. Nuriarekin hitz egiten egon nintzen gauaren parte handi bat. Nuriak, Gorkak diska eman zionean, plastikoa kentzen zion bitartean niri gehien gustatzen zitzaidan kanta zein zen galdetu zidan. Nuriak ez zekien BTXi buruz ezer, eta nik Jainko Ateoa zela esan nion, gero Maravillas asko gustatzen zitzaidala aitortu nuen ere... handik egun batzuetara Deiak Nuriaren notatxu hau argitaratu zuen.



Nork egin duen eta hori guztia ikusteko kredituak ikus ditzakezu. Normalean pelikula baten amaieran agertzen den lista hori... kalera erretzera korrikan irteten zaren momentuan gertatzen den hori. Zinemakoek, errespetu falta osoz, argiak eta guzti piztu (batzuetan erdi piztu bakarrik...) egiten duten momentu horretan. Bai... intelektualoide taliban bat naiz. Zer egingo diogu...