LAMIA

Atzerritik ezin hurbil egon,

barnealdean ezin hurbilago;
                          ezinegon.

Mendi-itsasoko

               gorputz

merkatu-tabernako

                 doinu

azala belus-egur

nolakoa da zure arima

euskal-lami maitxia?

Bi eratakoak

gara denok kanpotik
amamaren ustez;

jantzita ederrak bai

baina biluzterakoan itsusiak direnak.

Eta besteak. Alderantzizkoak.

Lamia ezik, magiagatik agian.

Koloredun oihal 

zein gorputzeko tonu,

perfektua dela dio

Kama jainko hegalariak.

Salbuespen barik araurik ez.

Desirak arauei muzin.

                                                          Lamia. ai, Lamia!