NODRAMA

Aurreko sarrerarekin bat datorren zerbait jarri nahi dut, kasualitateen kausalitatea. Zientzia irakurtzen dudanean musika entzuten dut ia beti. Artikulu hau irakurtzen nengoela, NoDramarekin aurkitu naiz berriz. Bizkaiako, Leioakoak direla uste dut, metal talde indartsua. Indartsua baina zuretzat entzungarria, melodia asko daukalako eta zuk esaten duzunez "abeslariak ez duelako soilik oihukarik egiten". Batzuetan metala gogorregia dela esan didazu... nik lehen diska daukat eta asko gustatzen zait. Beraien myspacean bi kanta baino ez daude (eta horietako bat bideoan agertzen den The Bite da), beraz ez dut hemen jarriko. Oso gutxi dago hortik, agian spotifyn zuk entzun dezakezu, Belgikan horrelakorik ez dago.



Bigarren bideoa youtuben bitartez aurkitu dut, hortik katxarreatzen, eta diskaren lehen kanta da. Oraindik gogoratzen dut Madison Avenuetik autobus geltokirako bidean, ipodean entzun nuen lehen aldia. Gitarrak hortik agertzen diren lehen segundu horretan kalean zutik gelditu nintzen. Mugitu barik. Soinuaren indar garbia entzun nuen lehen sentsazioa izan zen:



Hortik Rise To Fallekoekin kanta bat abesten ikus daiteke NoDramako abeslaria ere.